د پنجشېر محلي مسوولان وايي چې د دغه ولایت په رُخه ولسوالي کې یو کس د خپل تره د زوی له لوري وژل شوی دی.
د پنجشېر د اطلاعاتو او فرهنګ رییس نصرالله ملکزاده د رُخې ولسوالي د ولسوال له قوله نن یکشنبه د غويي ۳۱مه سلاموطندار ته ویلي چې پېښه پرون شنبه د غويي ۳۰مه د رُخې ولسوالي اړوند ګلستان کلي کې رامنځته شوې ده.
د سلاموطندار پښتو فېسبوکپاڼه وڅارئ
د نوموړي په وینا، پېښه د شخصي دښمنۍ له کبله رامنځته شوې او قاتل د امنیتي ځواکونو له لوري نیول شوی دی. په ورته مهال د وژل شوي کس کورنۍ پر یاد کس د قصاص غوښتونکي دي.
په ورته مهال دوه ورځې وړاندې په پروان ولایت کې هم یو ۵۵کلن کس د خپل تره د زوی لهخوا وژل شوی و.
پېښه پنجشنبه د غويي ۲۸مه د یاد ولایت د بګرام ولسوالي اړوند سیمه کې رامنځته شوې وه. د پروان د امنیې قومنداني ویاند محمدکامران حبیبي سلاموطندار ته د پېښې د تایید ترڅنګ ویلي و چې دغه کس د ټوپک په ډزو وژل شوی دی.
د حبیبي په وینا، وژل شوی کس ۵۵کاله عمر لري او د خپل تره د زوی له لوري وژل شوی دی. نوموړي په دې اړه نور جزیات ور نهکړل، خو زیاته یې کړه چې قاتل له سیمې تښتېدلی او د نیولو لپاره یې هڅې روانې دي.