په غزني کې امنیتي مسوولان وايي چې په دغه ولایت کې پر موټرسایکل سپور کس تر یوه ټېلر لاندې شوی او خپل ژوند یې له لاسه ورکړی دی.
د سلاموطندار پښتو فېسبوکپاڼه وڅارئ
د غزني د امنیې قومانداني ویاند خالد سرحدي سلاموطندار ته ویلي چې نن (د وري پنځلسمه، سهشنبه) سهار د دغه ولایت په مقر ولسوالي کې یو کس چې پر موټرسایکل سپور و، تر موټر لاندې شوی دی.
د نوموړي په وینا، لومړی یو «پاسو» ډوله موټر له یوه ټېلر سره ټکر کړی او وروسته ټېلر پر یوه موټرسایکل سپور کس ورختلی چې له کبله یې یاد کس مړ شوی دی.
هغه زیاتوي چې مړ شوی کس عبدالحکیم نومېده او د کندهار اصلي اوسېدونکی و.
د یادونې ده چې تر دې وړاندې هم په ځینو ولایتونو کې ورته پېښې شوي چې له کبله یې یوشمېر افغانانو ته مرګژوبله اوښتې ده.
