د بهرنیو چارو وزارت سرپرست امیر خان متقي تېره ورځ (دوشنبه، جوزا ۱۲) کابل کې د ترکیې سفیر جینک اونال سره لیدلي.
دې ناسته کې د افغانستان او ترکیې مخ پر ودې دوه اړخیزو اړیکو، وروستيو پرمختګونو او سیمهییزو مسایلو خبرې وشوې.
امیر خان متقي د ترکيې بشري مرستې ستايلي او د افغانستان او ترکيې دوه اړخيزې اړيکې يې مخ پر ودې بللي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
دغه لیدنه کې د ترکيې سفير د دواړو هېوادونو اړيکې رغنده يادې کړي او افغانستان کې يې د ترکيې د همکاريو په اړه هر اړخيزې خبرې وکړې.
د یادونې ده چې ترکیې اسلامي امارت سره نژدې ډيپلوماټیکې اړیکې ټینګې کړي او کابل کې د هغه هېواد سفارت هم فعاله دی.
همدارنګه ترکیه افغانستان سره د بشري او پوهنې په برخو کې همکاري لري.
