په کابل کې د جاپان سفیر تاکایوشي کورومیا ویلي، هېواد یې په افغانستان کې له نشهيي توکو سره د مبارزې او د معیشت بدیل لپاره لس میلیونه ډالر ځانګړي کړي دي.
د سلاموطندار پښتو فېسبوکپاڼه وڅارئ
ارګ پر خپلې اېکسپاڼې لیکلی چې کورومیا دا موضوع د ریاستالوزرا له سیاسي مرستیال محمد عبدالکبیر سره سره په لیدنه کې کړي او په بېلابېلو برخو، په تېره د خصوصي سکټور برخه کې یې د جاپان د همکارۍ ډاډ ورکړی دی.
په خبرپاڼه کې لیکل شوي چې محمد عبدالکبیر هم د جاپان مرستې ستایلي او ویلي یې دي چې ا.ا له ټولو هېوادونو سره د تعامل پراخوالی او د اړیکو پیاوړتیا غواړي.
ټاکل شوې دا پیسې د ملګرو ملتونو له نشهيي توکو او جرمونو سره د مبارزې ادارې ته وسپارل شي، څو په هلمند، بدخشان او کندهار ولایتونو کې پرې د زیانمنو کسانو ملاتړ وکړي.
سلاموطندار پر ټویټر هم وڅارئ
ا.ا د دوحې په درېیمه غونډه کې له هېوادونو غوښتي و چې افغانستان کې له نشهيي توکو سره د مبارزې او کروندګرو ته د معیشت بدیل وړاندې کولو برخه کې له افغانانو سره همکاري وکړي.
