د اوزبکستان د ټاکنو مرکزي کمېسیون اعلان کړی چې شوکت میرامانوییچ میرضیایوف چې د لېبرال ډیموکراټیک ګوند په استازولۍ نوماند شوی و، د دغه هېواد ولسمشريزې ټاکنې ګټلې دي.
د سلاموطندار پښتو فېسبوکپاڼه وڅارئ
د دغه کمېسیون د معلوماتو پر بنسټ، میرضیایوف د ۸۷،۵ سلنه رایو په ترلاسه کولو سره د اوو کلونو لپاره د اوزبکستان د ولسمشر په توګه ټاکل شوی دی.
د دغو ټاکنو د نورو نوماندانو له لوري د عدالت سوسیال ډیموکراټ ګوند په استازولۍ رابعهخان انورنه محمودوا ۴،۴۳، د خلق ډیموکراټیک ګوند په استازولۍ اولوغبیک ایلیاس اوویچ عنایتاوف ۴،۲ سلنه او د چاپېریال ساتنې ګوند په استازولۍ عبدالشکور خدایقولاوویچ حمزهیوف ۳،۷۴ سلنه رایې خپلې کړې دي.
د اوزبکستان په ولسمشریزو ټاکنو کې ۱۵،۶ میلیونه کسانو ګډون کړی دی. په دغو ټاکنو کې ۱۱۷۸۸۹ یا هم ۰،۷۶ سلنه ناسمې رایې کارول شوې دي.
د اوزبکستان ولسمشر شوکت میرامانوویچ میرضیایوف د مې میاشتې په اتمه د دغه هېواد د مشرانو جرګې له استازیو، د سیاسي ګوندونو مشرانو، قضايي او اجرایوي چارواکو او فعالانو سره د ټولپوښتنې پایلو په اړه ویلي و چې د ولسمشري ټاکنې به له وخت مخکې د جولای په نهمه وکړي.
