د افغانستان لپاره د روسیې سفیر ډیمیټري ژیرنوف له «روسیه ۲۴» ټلوېزیون سره په مرکه کې ویلي چې هېواد به یې د سوداګریزو قراردادونو له مخې، افغانستان ته د تېلو او خوراکي توکو صادرات زیات کړي.
د ژیرنوف په خبره، په تېر یوه کال کې د روسیې او افغانستان ترمنځ سوداګریزه راکړهورکړه ۴۰ سلنه زیاته شوې ده.
د سلاموطندار پښتو فېسبوکپاڼه وڅارئ
هغه داسې مهال افغانستان ته د روسیې د صادراتو ډېرېدو خبر ورکوي چې د سوداګرۍ او صنایعو سرپرست وزیر نورالدین عزیزي څه موده مخکې روسیې ته تللی و او هلته یې له روسي چارواکو سره د غنمو او سونتوکوو قرارداد لاسلیک کړ.
روسیه به د دغه قرارداد پر بنسټ، هر کال دوه میلیونه ټنه غنم افغانستان ته را ولېږي.