فاریاب کې امنیتي سرچینې وايي چې په دغه ولایت کې یوه کس د ځمکې پر سر شخړه کې خپل پلار او کاکا وژلي او بل کاکا یې ټپي کړی دی.
دا پېښه نن د فاریاب د قیصار ولسوالي د شاخ سیمې په «جوی زمندي» سیمه کې شوې ده.
دغې امنیتي سرچینې سلاموطندار ته ویلي چې د نبي په نوم یوه کس د ځمکې د وېش پر سر خپل پلار او کاکا وژلي او یو بل کاکا یې ټپي کړی دی.
د سرچینې په وینا، که څه هم نبي له دې پېښې وروسته تښتېدلی و، خو د اسلامي امارت له لوري نیول شوی دی.
د فاریاب محلي مسوولانو تر اوسه په دې اړه څه نهدي ویلي.
