د افغانستان د کرېکټ ملي لوبډلې نن د نړیوال کپ په پنځوساوریزو لوبو کې پاکستان ته تاریخي ماته ورکړه.
په دې سیالي کې پاکستان پچه وګټله او لومړی یې د توپوهنې پرېکړه وکړه چې په ټاکلو پنځوس اورونو کې یې د اوو لوبغاړیو په سوځېدو سره ۲۸۲ منډې وکړې او افغانستان ته یې د ۲۸۳ منډو هدف وټاکه.
یوشمېر متقاعدان چې کابل کې د مالیې وزارت د متقاعدو د معاشونو ورکړې ریاست مخې ته راټول شوي وو، شکایت کاوه چې اسلامي امارت یې له تېرو دوو کلونو راهیسې د تقاعد حقوق نهدي ورکړي چې له کبله یې بېلابېلو ستونزو سره لاس او ګرېوان دي. د دوی په وینا، لسګونه کاله یې د بېلابېلو حکومتونو پر مهال په ملکي او نظامي برخو کې خدمت کړی، خو اوس پر کور کېنول شوي او اسلامي امارت یې هم د تقاعد حقوق نه ورکوي.
د هرات ګڼشمېر اوسېدونکي په دغه ولایت کې د پرلهپسې زلزلو له امله بېځایه شوي او په ناوړه وضعیت کې ژوند کوي. د خوړو نړیوال پروګرام مسوولان خبر ورکوي چې له دغو پرلهپسې زلزلو وروسته په افغانستان کې بشري وضعیت ډېر ترینګلی شوی دی.
د بلخ مرکز مزارشریف څلور لاره کې هره ورځ ګڼشمېر کارګر په دې هیله ناست وي چې څوک به د مزدورۍ یا کار کولو لپاره پرې غږ وکړي.
خو دغه څلور لاره کې ناست یوشمېر کارګر وايي چې د وزګارتیا له امله پوزې ته راغلي او په ورځو ورځو ورته کار نه پیدا کېږي.
د عامې روغتیا وزارت مسوولان وايي چې نن «دوشنبه، لړم لومړۍ نېټه» یې د هېواد په یولسو ولایتونو کې ماشومانو ته د پولیو یا ګوزڼ ضد واکسین کمپاین پیل کړی دی.
د هېواد د دوو سوېلي ولایتونو کندهار او روزګان محلي مسوولان وايي چې یادو ولایتونو کې د افغانۍ دودولو ته جدي دي او د سر په بیه به د بهرنیو اسعارو مخه نیسي.
هلمند کې د هرات او بادغیس زلزلهځپلیو سره د مرستې په موخه څه باندې نهه میلیونه افغانۍ ټولې شوې دي.
د هلمند داطلاعاتو او فرهنګ ریاست مسوولان وايي چې دغه نغدي مرسته د یوې جوړې شوې کمېټې لهخوا په مرکز لښکرګاه ښار او ولسوالیو کې راټولې شوې دي.
د فلسطین روغتیا وزارت وايي چې په تېرو ۲۴ ساعتونو کې د اسراییلي ځواکونو په بریدونو کې ۴۰۰ فلسطینیان وژل شوي دي.
د دغه وزارت په وینا، ۶۰ فلسطینیان یوازې بېګاه د اسراییلو په بریدونو کې وژل شوي دي.
د پکتیا په ډنډپټان ولسوالي کې پاکستان سره ډیورنډ فرضي کرښې ته نږدې د بېړنیو ناروغانو لپاره جوړ شوی روغتون پرانېستلو شو.
دغه روغتون نن دوشنبه د «لړم لومړۍ نېټه» د پکتیا محلي مسوولانو لهخوا پرانېستل شوی دی.
د هند په کوربهتوب د کرېکټ یو ورځنیو سیالیو نړیوال جام په لړ کې نن افغانستان له خپل سیال پاکستان سره لوبه کوي.
ټاکل شوې چې دغه لوبه نن دوشنبه د تلې ۲۳مه د چینايي په «اماې چېډمبارام کرېکټ لوبغالي» کې ترسره شي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
