کابل کې کور په کور د امارت پلټنه؛ د بښنې سازمان: ژرترژره دې ودرول شي

د بښنې نړیوال سازمان په کابل او یو شمېر ولایتونو کې د اسلامي امارت د ځواکونو له خوا د تصفیوي عملیاتو د دوام په اړه ویلي چې دغه عملیات د بشري حقونو له معیارونو څخه سرغړونه ده او د ژر تر ژره بندېدو غوښتنه یې کړې ده.

مجاهد: د قانوني اسنادو لرونکي کسان له هېواد څخه بهر تللی شي

دوه ورځې مخکې ( یکشنبې په ورځ د کب په ۸ نېټه) د اسلامي امارت ویاند او د اطلاعاتو او فرهنګ وزارت معین په یوه خبري غونډه کې وویل، هغه کسان چې مشکل نه لري بهرنیو هېوادونو ته د تګ اجازه نه لري. هغه ویلي په بهرنیو هېوادونو کې مېشت افغانان په ډېر بد وضعیت سره ژوند کوي.

د دوحې هوکړه‌لیک عملي کېدو ته هیله‌مندي؛ سرغړونې به یې ناوړه پایلې ولري

له نن څخه دوه کاله وړاندې د اسلامي امارت او امریکا ترمنځ د دوحې تړون لاسلیک شو. له هغه وخت راهیسې دواړه لوري پر یو بل تورونه لګوي چې تړون کې پر شویو هوکړو عمل نه کوي. د شنونکي په وینا، که امریکا او اسلامي امارت دې تړون ته ژمن پاتې نشي، پایلې به یې ناوړې وي

ملګري ملتونه سبا د افغانستان د وضعیت په اړه غونډه جوړوي

ټاکل شوې د ملګرو‌ملتونو امنیت شورا سبا د افغانستان د وضعیت په اړه ناسته وکړي. افغانستان کې د ملګرو ملتونو د استازولۍ یا یوناما ویلي چې سبا به د ملګرو‌ملتونو امنیت شورا کې د افغانستان وضعیت وڅېړل شي. د افغانستان لپاره د ملګرو‌ملتونو ځانګړې استازې ډیبورا لاینز به په دې ناسته کې د افغانستان د وضعیت په اړه رپوټ هم وړاندې کړي.

دلاور: امریکا د افغانستان د وېش په پلمه د اډو غوښتنه کوله

د اسلامي امارت د کانانو او پطرولیم وزارت سرپرست کابل کې یوې غونډې ته وویل چې د دوحې د سولې خبرو پرمهال امریکايي لوري له دوی څخه په افغانستان کې د اډو غوښتنه کوله چې دوی ورسره مخالفت کړی. د هغه په وینا، امریکا ټينګار کاوه که اډه ورنه کړل شي، نو دغه هېواد به ووېشل شي.