طالبان سابق رسمی‌لریدن بیری سیداکبر آغا، بوگون بیر ییغینده افغانستان اهالیسی نی طالبان نینگ ینگی حکومتیدن حمایت قیلیش گه چقیریب و ایتیشیچه، اولر طالبان تامانیدن اعلام ایتیلگن اسلامی تیزیم نی قبول قیلیش‌لری کیره‌ک.
اونینگ کوپه‌یتیریشیچه، مملکتده اسلامی نظام نی یالغیز طالبان پیاده قیله آله‌دی.
اوتگن کون قطرده طالبان سیاسی دفتری اورین باسری شیرمحمد عباس استانکزی میدیالر بیلن اوتگزگن صحبت ده ایتیشیچه، افغانستان ینگی حکومتی باشقه ایکی کون گچه اعلام ایتیلیشی ممکن.
بیراق طالبان گروهی نینگ فرهنگی کمیسیون اعضاسی انعام‌الله سمنگانی نینگ سلام‌وطندار‌گه ایتیشیچه، ینگی دولت و کابینه تشکیل ایتیلیشی توغریسیده بحث‌لر صورت تاپگن و اونینگ اعلام ایتیلیشی اوچون تیارگرلیک‌لرنی دوامی بار؛ لیکن اونینگ اعلام ایتیلیش زمانی و مکانی حاضرگچه بیللی ایمس.
بیزلرنینگ فیسبوک صحیفه‌میزگه باش اورینگ!
قویاش ۲۴- اسد ده طالبان اشرف غنی نینگ قاچیشی بیلن کابل گه کیردی. اوتگن ایکی هفته‌ده اولر سابق حکومت رهبرلری بیلن سوزلشوو اوتکزگن؛ بیراق قطر ده طالبان سیاسی دفتری اورین‌باسری نینگ ایتیشیچه، سابق رهبرلر بیلن صحبت اوتکزیش، کیله‌جک حکومتده اولرگه سهم بیریش معناسیگه کیلمه‌یدی.
