افغانستان ملی موسیقی انستیتیوتی مملکت امنیتی و دفاعی کوچلریدن منت‌دارلیک بیلدیریش مقصد ده اوشبو کوچلر اوچون ایکی حماسی قوشیق تیارلب بوگون “دوشنبه” بو کوچلرگه تقدیم قیلگن.
افغانستان ملی موسیقی انستیتیوتی باشلیغی رئیسی احمدناصر سرمست نینگ ایتیشیچه، اوشبو ایکی حماسی قوشیق‌لر افغانستان اهالی‌سی اوچون آشنا تامانیدن تیارلنگن و قنبرعلی نوشاد رهبرلیگی گه بولگن «ارکستر سمفونی» گروهی تامانیدن قیته اوقیلگن.
جناب سرمست نینگ کوپه‌یتیریشیچه، حاضرگی شرایط ده امنیتی کوچلردن حمایت بیلدیریش و اولرگه روحیه بیریش اوشبو انستیتیوت نینگ مسوولیتی دیر.
عین‌حالده، جمهورلیک ریاستی نینگ استراتژیک و عامه رابطه‌لر اداره‌سی رئیسی وحید عمر نینگ اوشبو برنامه ده ایتیشیچه، حاضرگی شرایط ده حماسی قوشیق‌لر امنیتی و دفاعی کوچلرگه روحیه بیریش اوچون اونملی دیر.
وحید عمر نینگ کوپه‌یتیریشیچه: «بیر جماعه ظلم و زوروانلیک آستیگه قرار تاپگن وضعیتده جماعه نینگ روحیه و انگیزه‌سی اونملی دیر. موسیقی و حماسه اوقیش انگیره و مورال ایجاد قیلیش خصوصیده اونملی اورین اوینه‌یدی.»
«ای سربازه یاره» استاد گل‌زمان تامانیدن توزه‌لگن ایدی و نیچه ییل آلدین افغانستان قوشیقچی‌لریدن بولمیش بخت زمینه تامانیدن اوقیلگن ایدی و «په مینه د وطن» سلیم سرمت تامانیدن تیارلنگن و مملکت تانیقلی قوشیقچی‌لری استاد مهوش و باشقه قوشقچی‌لر اوقیلگن.
مملکت کوپ‌قطار ولایتلریده شدتلی اوروش‌لرنی دوامی بولگن بیر حالده، اوشبو ایکی حماسی قوشیق‌لر امنیتی و دفاعی کوچلرگه تقدیم ایتیلگن.
