د پاکستان اېکسپرېس ټرېبون ورځپاڼې خبر ورکړی چې د ا.ا سرپرست حکومت کې د کندهار والي شیرین اخوند به د مرغومي په دیارلسمه، د چهارشنبې ورځ دغه هېواد ته سفر وکړي.
دغې پاکستانۍ ورځپاڼې لیکلي چې شیرین اخوند به پر دوو اړخیزو اړیکو او د پاکستاني طالبانو تحریک (ټيټيپي) پر موضوع د دغه هېواد له چارواکو سره خبرې اترې وکړي.
خو د ا.ا ویاند ذ.بېحالله م.جاهد پاکستان ته د شیرین اخوند نه تایید او نه هم ردوي، خو وايي چې نوموړی له پاکستاني چارواکو سره پر ټيټيپي خبرې نه کوي.
سلاموطندار پر ټویټر هم وڅارئ
د هغه په خبره، د کندهار والي د هغه کمېسیون مسوولیت پر غاړه لري چې د افغانستان او پاکستان ترمنځ د ډیورنډ فرضي کرښې په اوږدو کې شوې سرغړونې ارزوي او که له پاکستاني چارواکو سره خبرې هم کوي، پر همدې مسلې به راڅرخي.
