له هغه وروسته چې له قطر څخه ترکیې ته د حماس سیاسي مشرانو د لېږد په اړه راپورونه خپاره شول، د امریکا متحده ایالاتو له ترکیې څخه غوښتي چې د حماس د مشرانو کوربهتوب ونه کړي.
د سلاموطندار پښتو فېسبوکپاڼه وڅارئ
رویټرز خبري اژانس خبر ورکړی چې د امریکا د بهرنیو چارو وزارت پرون دا غوښتنه کړې او زیاته کړې یې ده چې د ترکیې په ګډون، ټول هېوادونه باید د حماس له ملاتړ او کوربهتوب څخه ډډه وکړي.
د امریکا د بهرینو چارو د وزارت ویاند مټیو مېلر ویلي چې هېواد یې په هېڅ ډول نه غواړي چې ترکیه حماس ته دفتر ورکړي. د نوموړي په وینا، د حماس یوشمېر مهم غړي د امریکا تر څار لاندې او باید راته وسپارل شي.
په همدې حال کې د ترکیې د بهرنیو چارو وزارت بیا دغه هېواد ته د حماس سیاسي دفتر د لېږد خبر رد کړی دی.
ترکیې له څه باندې یوه کال راهیسې څو ځله د فلسطین او لبنان پر وړاندې د اسراییلو بریدونه غندلي او غوښتنه یې کړې چې په غزه او لبنان کې دې روانه جګړه او بریدونه ودرول شي.
