د روزګان محلي مسوولان وايي، يوه موټر د تخنيکي ستونزې له کبله اور اخيستی دی. د ګېزاب ولسوال عبدالله سلاموطندار ته وايي، په دې پېښه کې ۱۰ کسان مړه شوي او دوه نور ټپيان شوي دي.
د نوموړي په وينا، دغه پېښه تېره ورځ د يادې ولسوالۍ «بومي» سيمه کې هغه مهال شوې کله چې دغه موټر د پل د نشت له کبله په ویاله کې تېرېده، شارټ شوی او اور يې اخيستی.
د ګېزاب ولسوال وايي، د يادې پېښې قربانيان د واده د جشن مېلمانه وو چې ماشومانو، ښځې او نارينه په کې شامل دي.
