د کندهار محلي مسوولان وايي چې د دغه ولایت په سپینبولدک ولسوالي کې د دوو بېلابېلو پېښو پر مهال د یوې نجلۍ په ګډون دوه کسان وژل شوي دي.
د کندهار د والي ویاند حاجي زید سلاموطندار ته ویلي چې د سپینبولدک د شپږمې حوزې اړوند «زاړه مانده» سیمه کې د یوې پېغلې جسد موندل شوی دی.
د نوموړي په وینا، د لومړنیو معلوماتو له مخې، دغه پېغله نجلۍ ځندۍ او وژل شوې ده.
د کندهار د والي ویاند همداراز زیاته کړه چې دویمه پېښه کې بیا د سپینبولدک اړوند «ملاولي ویالې» سیمه کې د ځمکې پر سر د شخړې له کبله یو کس په ډزو ویشتل شوی او وژل شوی دی.
حاجي زید وویل چې د دواړو پېښو په تړاو پلټنې پیل شوي دي.
سلاموطندار پر ټوېټرپاڼه هم وڅارئ
دا په داسې مهال دی چې له دې وړاندې کندهار او د هېواد په یوشمېر نورو ولایتونو کې هم ورته پېښې رامنځته شوي چې له امله یې ځینې کسان وژل شوي او ټپیان شوي دي.
