د غور امنیتي چارواکي وايي چې دغه ولایت کې د دوو جلا پېښو پر مهال د یوې ښځې په ګډون دوو کسانو خپل ژوند له لاسه ورکړی دی.
دواړه پېښې د یاد ولایت په تیورې او دولتیار ولسوالیو کې رامنځته شوي دي. د تیورې ولسوالي کې ناپېژنده وسلهوالو یو کس وژلی او دولتیار ولسوالي کې بیا یوې نجلۍ ځانوژنه کړې ده.
د سلاموطندار پښتو فېسبوکپاڼه وڅارئ
د غور د امنیې قومنداني د رسنیو دفتر په یوې خبرپاڼه کې ویلي چې وژل شوی کس هټۍوال و او پرون چهارشنبه د غبرګولي درېیمه کور ته پر لاره د ناپېژنده وسلهوالو لهخوا وژل شوی دی.
په خبرپاڼه کې راغلي چې امنیتي ځواکونو د یادې پېښې په تړاو خپلې هڅې پیل کړي دي.
بلخوا د یاد ولایت د امنیې قومنداني په خبرپاڼه کې ویل شوي چې د یاد ولایت د دولتیار ولسوالي په «سنګقشقه» کلي کې یوې نجلۍ د روحي او رواني ستونزو له کبله ځانوژنه کړې ده.