پاکستاني رسنیو نن یکشنبه د وږي درېیمه راپور ورکړی چې د دغه هېواد د خېبرپښتونخوا په شمالي وزیرستان کې د یوې چاودنې پرمهال دوه پاکستاني سرتیري وژل شوي دي.
رسنیو د دغه هېواد د پوځ له قوله ویلي، چاودنه پرون ماښام د شمالي وزیرستان په ایشام سیمه کې د دغه هېواد پر پوځ شوې ده.
خو سیمه کې ځینو سرچینو بیا رسنیو ته ویلي چې چاودنه د سړک غاړې ماین له امله رامنځته شوې او دوه سرتیري پهکې وژل شوي دي.
تراوسه د دغې چاودنې مسوولیت کوم چا یا ډلې پر غاړه نه دی اخیستی. دا په داسې مهال ده چې په دې وروستیو کې د خېبرپښتونخوا په بېلابېلو سیمو کې د دغه هېواد پر پوځ بریدونه زیات شوي دي.
له دې وړاندې د روانې میلادي میاشتې په لومړیو کې هم په شمالي وزیرستان کې د یوه وسلهوال برید پرمهال پنځه پاکستاني پوځیان وژل شوي وو.
