افغانستان سره د بشردوستانه مرستو په لړ کې نن ترکیې په هېواد کې له روزنتونونو سره د مرستې په موخه د کار او ټولنیزو چارو وزارت ته د خوراکي توکو ۱۵۰۰ کڅورې او شاوخوا ۷۵۰ قالینې وروسپارلې.
په افغانستان کې د ترکیې سفیر جیهار اورګنایز افغان چارواکو ته د دغې مرستې د ورسپارلو پرمهال جوړې شوې ناسته کې وویل چې هېواد یې په بېلابېلو برخو کې له افغانانو سره همکاري کوي او دغه همکارۍ به په راتلونکې هم دوام ولري.
د سلاموطندار پښتو فېسبوکپاڼه وڅارئ
په ورته مهال هېواد کې د روزنتونونو عمومي رییس فیضاناحمد کاکړ وايي چې اوس په ټول هېواد کې شاوخوا ۶۸ دولتي او خصوصي روزنتونونه فعال دي چې ۷۵۰۰ یتیم او بېسرپرسته ماشومان پهکې ساتل کېږي.
بلخوا د کار او ټولنیزو چارو وزارت سرپرست عبدالولي څارنوال له افغانستان سره د لا بشري مرستو غوښتنه وکړه او په اوسنیو شرایطو کې یې د ترکیې دغه مرستې اړینې وبللې.
د یادونې وړ ده چې هېواد کې د وروستیو سیاسي بدلونونو راپدېخوا، افغانستان کې د بشري وضعیت په ځانګړې توګه د ماشومانو وضعیت په اړه اندېښنې ډېرې شوې دي.
یوشمېر نړیوالو سازمانونو په وار وار ویلي چې دغه هېواد کې ګڼشمېر ماشومان د لوږې او اقتصادي ناورین له امله له زدهکړې محروم پاتې کېږي چې په دې اړه یې خپله اندېښنه څرګنده کړې ده.
