د لغمان محلي مسوولان وايي چې دغه ولایت کې د کور د چت پرېوتو له امله د یوې کورنۍ درې غړي مړه شوي او یو بل ټپي دی.
د لغمان د والي ویاند سلامتخان سلاموطندار ته ویلي چې پېښه پرون دوشنبه د لړم ۲۳مه د شپې لس بجې د الینګار ولسوالي اړوند«منګو» سیمه کې رامنځته شوې ده.
نوموړي زیاته کړې چې یاده سیمه کې د سختو اورښتونو له کبله د یوه کور چت پرېوتی چې پر مهال یې د دغې کورنۍ درې غړي مړه او یو بل ټپي شوی دی.
د یاد ولایت د والي ویاند زیاتوي چې پېښه کې پلار، مور او زوی مړه شوي او یوه لور یې ټپي شوې ده.
سلاموطندار پر ټویټر هم وڅارئ
د ژمي په موسم کې هر کال د هېواد په بېلابېلو ولایتونو کې دا ډول پېښو زیات راپورونه ورکول کېږي چې له امله یې ګڼو هېوادوالو ته مرګژوبله اړوي.
