د غزني اوسېدونکو نن (د چنګاښ دویمه، د جمعې ورځ) د دغه ولایت په جاغوري ولسوالي کې د څه باندې ۵۰۰ زره افغانیو په مالي لګښت د یوه پُل د جوړېدو چارې پیل کړې.
د سلاموطندار پښتو فېسبوکپاڼه وڅارئ
د سیمې اوسېدونکی عباس شایان سلاموطندار ته ویلي چې د «فیاضیان پُل» په نوم دغه پُل به د جاغوري ولسوالي په سیداحمد سیمه کې د څلور متره لوړوالي، ۱۲ متره اوږدوالي او پنځه متره پلنوالي سره جوړ شي.
د سیمې د اوسېدونکو په وینا، پر دغه پُل څه باندې ۵۰۰ زره افغانۍ لګښت راځي چې د سیمې د درېوو اوسېدونکو له لوري ورکول کېږي.
د یادونې ده چې په وروستیو دوو کلونو کې دا پنځمه پروژه ده چې د سیمې اوسېدونکو له لوري پلې کېږي. تر دې مخکې یې هم په خپل مالي لګښت ښوونځي، د لویې لارې پلونه او یوه حسینیه جوړه کړې وه.
