د سمنګان د اطلاعاتو او فرهنګ ریاست مسوولان وايي چې دغه ولایت ته د بهرنیو سیلانیانو ورتګ زیات شوی دی.
د دوی په وینا، ډېری بهرني سیلانیان د یاد ولایت د تاریخي سیمو د لیدو تر څنګ د «رستم تخت» لرغونې سیمې څخه لیدنه کوي.
د سلاموطندار پښتو فېسبوکپاڼه وڅارئ
د سمنګان د اطلاعاتو او فرهنګ ریاست د ګرځندوی امر تاجالدین تانش وايي چې تېرو شپږو میاشتو کې نږدې ۲۵۰ بهرني سلانیان د دغه ولایت له طبیعي ښکلاوو او لرغونو سیمو څخه لیدنه کړې ده.
د سمنګان د اطلاعاتو او فرهنګ ریاست د معلوماتو پر بنسټ، دغه ولایت کې نږدې ۱۱۴ لرغونې سیمې شته چې له ډلې یې ۱۰۶ یې د اطلاعاتو او فرهنګ وزارت له لوري ثبت شوي دي.
د یادونې وړ ده چې په دې وروستیو کې د هېواد بېلابېلو تاریخي سیمو او طبیعي ښکلاو څخه د لیدنې په موخه افغانستان ته د بهرنیو سیلانیانو راتګ زیات شوی دی.