د سرپرست حکومت د دفاع وزارت د پاکستان د دفاع وزیر د تازه څرګندونو په غبرګون کې ویلي چې د افغانستان د ملي حاکمیت د نقض په اړه هر ډول نظر ورکول یو ناسنجول شوی عمل دی او د اوبو خړولو لپاره یوه هڅه ده.
د پاکستان د دفاع وزیر خواجه اصف تازه ویلي و، که اړتیا پېښه شي، د افغانستان په خاوره کې به پاکستاني طالبان یا ټيټيپي په نښه کړي.
د ا.ا د سرپرست حکومت پرون جمعه ناوخته پر اېکس یوه خبرپاڼه خپره کړې چې پهکې لیکل شوي، که په هر نوم او پلمه د افغانستان پر خاورې برید وشي، د پایلو مسوولیت به یې د هغه چا پر غاړه وي چې تجاوز یې کړی دی.
په خبرپاڼه کې لیکل شوي: «د پاکستان مشرتابه ته پهکار ده، څو هېچا ته اجازه ور نهکړي چې د حساسو موضوعاتو په اړه دا ډول حساسیتپاروونکې خبرې وکړي.»
د دفاع وزارت یو ځل بیا ټینګار کړی چې ا.ا هېچا ته اجازه نه ورکوي، څو د افغانستان خاوره د نورو هېوادونو پر وړاندې وکاروي.
سلاموطندار پر ټویټر هم وڅارئ
دا لومړی ځل نهدی چې په افغانستان کې د ټيټيپي د موجودیت په اړه د افغانستان او پاکستان د چارواکو ترمنځ دا ډول ناندرۍ را پورته کېږي، بلکې تر دې وړاندې هم د دواړو لوریو ترمنځ سختې نادرۍ شوې دي.
