د افغانستان د ۱۹ کلونو کرېکټ ملي لوبډلې نن د اسیا جام سیالیو په لړ کې خپله لومړۍ لوبه کې د هند پر وړاندې لوبېږي.
افغانستان توپوهنه کوي او تر دې مهاله یې په ۲۲ اورونو کې د دوو لوبغاړو په سوځېدو سره ۸۲ منډې جوړې کړې دي.
د ۱۹ کلونو اسیا جام کرېکټ سیالۍ نن «جمعه، ډسمبر اتمه» د عربي متحده اماراتو په کوربهتوب پیل شوې چې اته هېوادونه په کې ګډون لري.
د نن ورځې په دویمه لوبه کې پاکستان له نیپال سره مخ دی او د دواړو لوبډلو ترمنځ سیالۍ روانه ده.
دغه سیالۍ په دوو ګروپونو کې کېږي چې افغانستان په «اې» ډله کې له پاکستان، هند او نيپال سره مخ دی.
دویمه ډله کې بیا بنګلدېش، عربي متحده امارت، جاپان او سریلانکا سره مخ دي.
افغانستان به د ډسمبر په لسمه خپله دویمه لوبه د نیپال او د ډسمبر په ۱۲مه خپله وروستۍ ګروپ پړاو لوبه د پاکستان د ۱۹ کلنې ملي لوبډلې پر وړاندې وکړي.
د یادو سیالیو پایلوبه به د روانې ډسمبر میاشتې په ۱۷مه ترسره شي.