د ا.ا او پاکستاني ځواکونه د کندهار د سپینبولدک اړوند د ډیورنډ پر فرضي کرښې بیا سره نښتي دي.
کندهار کې يوې سرچینې د نوم نه ښودلو په شرط سلاموطندار ته ویلي چې یاده نښته د شېرو اوبو سیمه کې پر فرضي کرښې د پاکستاني ځواکونو له لوري د ا.ا پر ځواکونو داسې مهال ډزې شوي چې افغان لوري په سیمه کې پوستې جوړولې.
د سرچینې په وینا، اوس هم د سپکو وسلو ډزې روانې دي.
په ورته وخت کې د کندهار ځايي چارواکي په سپینبولدک کې د ا.ا او پاکستاني ځواکونو ترمنځ نښته نه رد او نه هم تایید کړې ده.
د ا.ا او پاکستان نظامیان په تېره شاوخوا یوه میاشت کې دا څویم ځل دی چې د کندهار په سپینبولدک او د پکتیا په ډنډپټان کې د ډیورنډ پر فرضي کرښې سره نښتي چې له کبله یې دواړو خواوو ته مرګژوبله هم اوښتې ده.
