فراه ولايت کې امنيتي مسوولان وايي، وسلهوالو طالبانو د دې ولايت د لاشوجوين ولسوالۍ د مرکزي جامع جومات خطيب مولوي غلامسخي وژلی دی.
د ياد ولايت د والي وياند محبالله محب سلاموطندار ته وايي، پر دغه ديني عالم وسلهوالو طالبانو تېره شپه شاوخوا اته بجې هغه مهال بريد کړی چې له جوماته کور ته روان و.
د محب په وينا، دغه ديني عالم ځکه وژل شوی چې د طالبانو کړنې يې غندلې.
د فراه د والي وياند زياتوي، له پېښې وروسته امنيتي ځواکونه د عاملانو نيولو په موخه سيمې ته لاړل چې له طالبانو سره په نښته کې يې درې طالبان ټپيان کړي او دوه موټرسايکلونه يې نيولي دي.
محبالله محب د يادو کسانو د نيولو په اړه څه ونه ويل.
طالبانو تر اوسه پورې په دې اړه څه نه دي ويلي.
