تخار کې ځايي سرچینه چې نه غواړي نوم یې خپور شي وايي، طالبانو تېره شپه خواجهغار ولسوالۍ کې د پوځ په یوې پوستې برید کړی چې ۵ سرتېري په کې وژل شوي او ۵ نور ټپیان دي.
د سرچینې په وینا، کومانډو ځواکونه تېر ماښام د دې لپاره چې باران دی او طالبان به خوځښتونه ونهلري، له هواشناسي اډې څخه امنیې قومندانۍ ته تللي وو.
که څه هم طالبان نه دي توانېدلي چې دغه اډه ونیسي، خو ځايي مسوولان د خواجهغار ولسوالۍ ترینګلي امنیتي وضعیت څخه اندېښنه ښيي.
په همدې حال کې د ۲۱۷ پامیر قول اردو ویاند هادي نظري د طالبانو برید تاییدوي خو وايي، دواړو لورو ته مرګژوبله اوښتې چې شمېر یې نه دی معلوم شوی.
طالبانو هم تراوسه پورې په دې اړه رسنیو ته څه نه دي ویلي.
