د کندهار محلي مسوولان تاييدوي چې د ياد ولايت د دامان ولسوالۍ پر امنيې قومندانۍ موټربم بريد کې د ملکيانو په ګډون پهکې ۳۳ کسان ټپيان شوي دي.
د ياد ولايت د والي وياند بهیر احمدي وايي، دا پېښه نن سهار شاوخوا لس بجې دامان ولسوالۍ امنيې قومندانۍ کې د يوې غونډې پر مهال شوې ده.
د احمدي په وينا، په دې پېښه کې د ملي امنیت ۲ کارکوونکي، ۹ پولیس، ۷ کسه د ولسوالۍ مامورین او ۱۵عام وګړي ټپیان شوي دي.
په کندهار کې یوه امنیتي سرچینه چې نه غواړي نوم او غږ يې خپور شي، سلاموطندار ته ویلي چې نن سهار د دغه ولایت پر یوولسمې امنیتي حوزې موټربم برید شوی دی.
د کندهار د پوهنې ریاست مطبوعاتي مسوول نظرمحمد صمیمي سلاموطندار ته وویل، میوند ولسوالۍ کې د دوه ورځې وړاندې موټربم برید د «ملالې میوندۍ او د غازي ایوب خان» د ۲ لېسو او د ولسوالۍ د پوهنې امریت یو شمېر خونې ورانې کړې دي.
وسلهوالو مخالفانو نن سهار د کندهار د میوند ولسوالۍ د امنیې قومندانۍ پر ودانۍ له چاودېدونکيو توکو ډک مازدا ډوله موټر ته چاودنه ورکړه. دغه موټربم برید د ځاني مرګژوبلې ترڅنګ سیمه کې ډېر کورونه او دوکانونه هم نړولي.
د کندهار د عامي روغتیا رييس ډاکټرمحمد طاوس اشرف نادري وايي، پېښې څخه تراوسه ۴ جسدونه او ۳۶ ټپيان بېلابېلو روغتیايي مرکزونو ته ور وړل شوي دي.
پر هلمند د طالبانو له برید وروسته، د کندهار ارغنداب، میوند، پنجوايي او ژېړۍ او د روزګان دهراوود او ګېزاب ولسوالیو کې تېرو څو ورځو راهیسې د طالبانو او امنیتي ځواکونو ترمنځ نښتې روانې دي.
یادو سیمو کې د جګړو او ترینګلي وضعیت له کبله ګڼ شمېر کورنۍ کندهار ښار ته بېځایه شوي چې بېلابېلو ناحیو کې یا خو د خپلو دوستانو او یا هم کرایه کورونو کې بد وضعیت کې ژوند کوي.
د کندهار د امنیې قومندانۍ مطبوعاتي مسوول جمالناصر بارکزی سلاموطندا ته وايي، تېره شپه افغان هوايي ځواکونو د ارغنداب ولسوالۍ یو شمېر سیمو کې پر وسلهوالو طالبانو هوايي بریدونه کړي چې په پايله کې يې ۳۵ طالبان وژل شوي او يو شمېر يې ټپيان شوي دي.
د کندهار د والي وياند بهیراحمد احمدي سلاموطندار ته وايي، ناپېژاندو موټرسايکل سپرو وسلهوالو د ياد ولايت د استيناف څانوالۍ پخوانی رييس شبیراحمد قیومي وواژه.
نوموړي وويل، دغه پېښه نن وروسته له غرمې د کندهار ښار د نهمې ناحیې اوړند قادري واټ سيمه کې شوې ده.
د کندهار امنيتي مسوولان وايي، ياد ولايت د سړکغاړې ماين چاودنه کې د يوې کورنۍ ۵ غړي وژل شوي دي.
د ياد ولايت د امنیې قومندانۍ ویاند جمالناصر بارکزی سلاموطندار ته وايي، دغه چاودنه نن مخکې له غرمې د میوند ولسوالۍ «کارېز» سیمه کې پر زرنج موټرسایکل شوې .
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
