د غور د ځمکني ټرانسپورټ امر ضیاالحق جندالله سلاموطندار ته وايي چې له بېګاه شپې راهیسې د سخت توپان او واورې له امله د کابل-غور او غور-هرات لویو لارو سربېره د یاد ولایت ولسوالیو ته غځېدلې ټولې لارې تړل شوي دي.
د کونړ ولایت په دانګام ولسوالي کې د واورې ښويېدنې او توپان له امله ۲۰ کسان تر واورو لاندې شوي چې تراوسه یې د ۱۵ کسانو مړي موندل شوي دي.
له تېرې شپې د واورو او سختو توپانونو له امله د سالنګونو په ګډون د بادغیس – هرات لویه لار او د غور، بامیان او دایکندي لویې لارې د مسافرو پر مخ تړل شوي دي.
د بدخشان محلي مسوولان سلاموطندار ته وايي چې د دغه ولایت د راغستان ولسوالي د «خمبیل» سیمې په «پطیر» کلي کې د واورې ښویېدنې له امله درې کسان مړه شوي دي.
بدخشان کې د اسلامي امارت د اطلاعاتو او فرهنګ رییس معزالدین احمدي زیاتوي چې دغه پېښه پرون وشوه چې له امله یې اته کسان د واورې لاندې ګیرپاتې وو.
په بامیانو کې د اغاخان پراختیايي بنسټ د روغتیا برخې مسوولان او د بهزیستي او تحرک موسسې چارواکي وايي چې له درېوو ورځو راهیسې، د درنو واورو د ورښت او سختو توپانونو له کبله د دایکندي ولایت د پنځو او د بامیانو ولایت د دوو ولسوالیو مواصلاتي لارې تړل شوي او د روغتیايي خدمتونو د وړاندې کولو بهیر له ستونزو سره مخ شوی دی.
د بامیان ولایت محلي مسوولان وايي، له بېګاه شپې راهیسې د سختې واورې د ورښت او توپان له امله، د دغه ولایت اړوند د یکاولنګ او پنجاب ولسواليو ترمنځ په «شاتو» کوتل سیمه کې د غور-بامیان او بامیان-دایکندي لویې لارې تړل شوي دي. د مسوولانو په وینا، د ورښتونو له کبله د یاد ولایت د ورس او پنجاب ولسوالۍ لارې هم له مرکز بامیان سره پرې شوي.
یوشمېر مسافر له بېګاه راهیسې د هرات-غور پر لویې لارې په «بند بایان» سیمه کې د واورې اورېدو او توپان له کبله بند پاتې دي. دغه مسافر چې شمېر یې له ۱۵۰ نه اوړي، وايي چې ښځې او ماشومان هم ورسره دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
