د سره صلیب نړیواله کمېټه وايي، افغانستان کې د ژمي په رانږدېکېدو سره پر سینهبغل او خوارځواکۍ د اخته ماشومانو پېښې زیاتې شوي. یادې کمېټې په یوه راپور کې ویلي، یوازې د کابل په اندراګاندي روغتون کې د تېر کال په پرتله سږ کال پر سینهبغل له پنځو کلونو څخه د کم عمره اخته ماشومانو ۵۵ سلنه پېښې زیاتې شوې دي.
د ماشومانو د خوندیتوب سازمان (Save the Children) د یوه راپور په خپرولو سره په افغانستان کې پر خوارځواکۍ د اخته ماشومانو د شمېر له ډېروالي خبر ورکړی دی.
د ماشومانو د خوندیتوب سازمان د لړم په نهمه پر خپله ټوېټرپاڼه لیکلي چې افغانستان کې د بېوزلي او لوږې له زیاتوالي سره هممهاله دغه هېواد کې د خوارځواکۍ پېښې ۴۷ سلنه زیاتې شوې دي.
د عامې روغتیا وزارت مسوولانو نن کابل کې د خپل کلني راپور د واړندې کولو پرمهال وویل چې دغه وزارت د ښځینه ډاکټرانو له کمښت سره مخ دی.
د عامې روغتیا وزارت مسوولان وايي چې دغه وزارت د روان کال له پیله وړاندوینه کړې وه چې ښايي ۱.۱ میلیونه ماشومان هېواد کې پر شدیدې خوارځواکۍ اخته شي، خو یاد وزارت پر خوارځواکۍ د اخته ماشومانو شمېر له هغه کم بولي چې دوی یې وړاندوینه کړې وه.
د ماشومانو لپاره د ملګرو ملتونو د ملاتړې ادارې یا یونیسف د نړیوالو اړیکو مسوولې پالومه سکودرو ویلي چې څو لسیزو جګړو، وچکالۍ او د افغانستان مخ پر ودي اقتصاد پاشلتیا لامل شوی چې ماشومانو لپاره یو بېمخینې بشري ناورین رامنځته کړي. نوموړې ټينګار کړی چې یونیسف له تېرو ۷۰ کلونو راهیسې افغانستان کې د نجونو او ماشومانو لپاره کار کوي او له دې وروسته به هم له دغه هېواد څخه خپل ملاتړ ته دوام ورکړي.
په هلمند ولایت کې له لوږې سره د مبارزې نړیوالې موسسې مسوولان سلاموطندار ته وايي چې په دغه ولایت کې پر خوارځواکۍ د اخته ماشومانو شمېر ورځ تر بلې د ډېرېدو په حال کې دی.
د ملګروملتونو له ماشومانو د ملاتړ صندق یا یونیسف افغانستان کې د ماشومانو وضعیت څخه اندېښنه څرګنده کړې او ویلي، له بېړنیو مرستو پرته نهشي کولای ماشومانو سره مرسته وکړي.
یونیسف پر ټویټرپاڼه لیکلي، غواړي ۲۰۲۲ کال کې ۱۲.۹ میلیون افغان ماشومانو ته لاسرسی وکړي، خو له سملاسي ملاتړ پرته دغومره شمېر ماشومانو سره مرسته ناممکنه ده.
د ملګروملتونو د ماشومانو د ملاتړ اداره یا «یونیسف» وايي چې افغانستان کې د بشر ناورین په ژورېدو سره، کابل کې د انډارا ګاندي روغتون هره ورځ پر شدیدې خوارځواکۍ د اخته ماشومانو ۸ پېښې ثبتوي.
د روغتیا وزارت مسلکي معین عبدالباری عمر نن یوې غونډې ته د خبرو پر مهال د نړۍ له هېوادونو او سازمانونو وغوښتل چې په افغانستان کې روغتیایي برخه له سیاسي مسلو سره ونه تړي او د دې برخې د تمویل لپاره خپلو مرستو ته دوام ورکړي. عبدالباري عمر په دیني علماوو هم غږ وکړ .چې د روغتیا وزارت سره د عامه پوهاوي په برخه کې مرسته وکړي
ټاکل شوې چې نن د ملګرو ملتونو دوه ادارې په افغانستان کې دننه افغانانو ته د بشري مرستو رسولو او د سیمې په یوشمېر هېوادونو کې د بېځایه شویو افغان کډوالو وضعیت ته د رسېدنې په موخه خپل ګډ پلانونه اعلان کړي. دغه سازمان ویلي، افغانستان کې د لومړنیو روغتیايي خدمتونو د نهشتون له کبله، په لسګونه زره ماشومان پر خوارځواکۍ اخته شوي دي.
د ملګرو ملتونو د ماشومانو د ملاتړ صندوق یا یونیسف نن د یوې خبرپاڼې په خپرولو سره ویلي چې اوس مهال په افغانستان کې ۱۰میلیونه ماشومان د ژوندي پاتې کېدو لپاره بېړنیو بشري مرستو ته اړتیا لري. یونیسف ویلي، په افغانستان کې د روانو سیاسي او دولتي جوړښت له بدلونونو پرته میلیونونه ماشومان په دغه هېواد کې په ناوړه وضعیت کې ژوند کوي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
