افغانستان کې امنیتي ګواښونو څخه د اندېښنو په دوام د تاجکستان ولسمشر امامعلي رحمان پرون یکشنبه د غبرګولي اتمه افغانستان سره پولې ته نږدې د ختلان ولایت «توس» سیمه کې دوه امنیتي پوستې جوړې کړي دي. د ټولییز امنیت تړون غړیو هېوادونو د دفاع وزیرانو هم افغانستان کې له ترهګریزو فعالیتونو اندېښنه څرګنده کړې ده.
د پروان امنیتي مسوولان وايي چې د دغه ولایت په اړوند سیمه کې یو کس د خپل د تره زوی «اکاه زوی» لهخوا وژل شوی دی.
پېښه پرون پنجشنبه د غويي ۲۸مه د یاد ولایت د بګرام ولسوالي اړوند سیمه کې شوې ده. د پروان د امنیې قومنداني ویاند محمدکامران حبیبي سلاموطندار ته د پېښې د تایید ترڅنګ وايي چې دغه کس د ټوپک ډزو وژل شوی دی.
د میدان وردګ امنیتي مسوولان وايي چې دغه ولایت بېګاه شپه یوه عمر خوړلي کس ځانوژنه کړې ده. پېښه د دغه ولایت د سیداباد ولسوالي د نخي درې اړوند «کوډۍ» کلي کې رامنځته شوې ده.
د میدان وردګ د امنیې قومنداني له لوري سلاموطندار ته په رالېږل شوې خبرپاڼه کې ویل شوي چې دغه کس شاوخوا ۷۰کاله عمر درلود او خپل ځان یې زندۍ کړی دی.
د غزني امنیتي مسوولان وايي چې دغه ولایت کې د لامبو وهلو پر مهال یو ځوان اوبو ډوب کړی او مړ شوی دی.
د پکتیا امنیتي مسوولان وايي، د دغه ولایت په ګردې څېړۍ ولسوالي کې یوه ځوان ځانوژنه کړې ده. د پکتیا د امنیې قومنداني ویاند عبدالباري منیب سلاموطندار ته ویلي، دغه ځوان «حلیمالله» نومېږي او پرون شنبه یې د ګردې څېړۍ په سروخېلو کلي کې د ټوپک په وسیله ځان وېشتلی او ژوند ته یې د پای ټکی ايښی دی. د امنیې قومنداني ویاند زیاته کړې چې یاد ځوان ۲۸ کاله عمر درلود، خو په وینا یې، تراوسه یې د وژنې لامل نه دی معلوم.
وروسته له هغې چې تېره اوونۍ کابل کې د یوه ځانمرګي برید پرمهال د روسیې دوه ډيپلوماټان ووژل شول، د دغه هېواد چارواکي وايي، پلازمېنه کابل کې یې د سفارت د امنیت ټینګښت لپاره تدابیر زیات شوي دي.
د اسلامي امارت مسوولان وايي چې د کابل په ګډون د هېواد د پنځو هوايي ډګرونو د امنیت او تخنیکي چارو په تړاو له ترکیې او قطر هېوادونو سره یوې هوکړې ته نږدې شوي دي. ټاکل شوې چې د کابل، کندهار، هرات، مزار او خوست ډګرونو د امنیتي او تخنیکي چارو په اړه بله ناسته راتلونکې چهارشنبې په دوحه کې ترسره شي.
د بلخ ولایت کلدار ولسوالي چې تر پرون مازیګر پورې په بشپړ توګه د دولت تر کنټرول لاندې وه او د بلخ والي فرهاد عظیمي له دغې ولسوالي څخه د بلخ د یوې بلې شورتپې ولسوالي د بېرته نیولو لپاره د عملیاتو پلان هم اعلان کړ، خو تېره شپه دغه ولسوالي د دولت له کنټرول څخه بهر شوه او امنیتي ځواکونو او ولسي پاڅونوالو ورڅخه د حیرتان بندر ښار ګوټي ته شاتګ کړی دی.
د امریکا د دفاع وزارت ویاند جان کربي وایي، د تېرو دوو میاشتو په ترڅ کې د افغانستان په بېلابېلو ولایتو کې د وسلهوالو طالبانو له لوري د څو ولسوالیو د مرکزونو له نیولو سره هممهاله پنټاګون د افغانستان د امنیتي وضعیت د ارزونې په حال کې دی او وضعیت ته په کتو به د ځواکونو د وتلو د ورو کېدو پرېکړه وکړي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
