د خوست محلي چارواکي وايي چې د دغه ولایت د «دوه منده» ولسوالي په یوه غره کې د سرو زرو کان نښې موندل شوې دي.
د خوست د کانونو او پټروليم رياست څخه په لېږل شوې خبرپاڼه کې ويل شوي چې شمل دوه منده ولسوالي اړوند يوه غره کې خلکو د سرو زرو ټوټې موندلې دي.
د سلاموطندار پښتو فېسبوکپاڼه وڅارئ
خبرپاڼه کې ويل شوي چې د امنيتي او کشفي ارګانو تر خبرتیا وروسته د خوست د کانونو رياست رییس صادقجان «حمزه» په مشري د انجینیري ډلې سره په ګډه دوه منده ولسوالي کې يادې سيمې ته سفر کړی دی.
خبرپاڼه کاږي چې د لومړنيو څېړنو له مخې، په ياده سيمه کې د کانګلوميراتونه او رسوبي ډبرو لويه کتله شته چې د سرو زرو جنيټيکي سرچینې ورسره تړاو لري.
له يادې سيمې څخه له څه مودې راهيسې ځايي اوسېدونکو د سرو زرو ټوټې پيدا کولې او خوست ښار کې يې پر زرګرانو پلورلې هم دي. د خبرپاڼې له مخې، ډېر ژر به د کانونو او پټرولیم وزارت څخه يادې سيمې ته يو مسلکي ټيم هم لېږدول شوی دی.
