د سره صلیب نړیواله کمېټه وايي چې د ۲۰۲۲ کال د یوولسم میاشتو پر مهال کابل کې د ماشومانو د دماغي فلج کچه لوړه شوې ده.
د سره صلیب نړیوالې کمېټې نن چهارشنبه د مرغومې ۲۱مه په یوه راپور کې ویلي چې کابل کې د تېر ۲۰۲۱ کال په پرتله ۲۰۲۲ کال کې پر دماغي فلج د اخته ماشومانو شمېر ۵۰سلنه لوړ شوی دی.
د یادې کمېټې د معلوماتو پر بنسټ، ۲۰۲۱ کال کې ۱۱۲۵ ماشومانو پر دماغي فلج اخته شوي وو، خو ۲۰۲۲ کال دغه شمېر ۱۶۷۳ ته ختلی دی.
په راپور کې همداراز بېوزلي، د روغتیايي پوهاوي نشتوالی، له وخت وړاندې زېږون او اومېندواري له هغو لاملونو یاد شوي چې له امله یې ماشوم پر دماغي فلج اخته کېږي.
We are observing a 50% increase in children being treated for cerebral palsy (CP) at our physical rehabilitation centre in #Kabul.
This year, the number of CP patients reached to 1,673, compared to 1,125 in 2021.
Read more 🔽https://t.co/yPimHf3uf2
— ICRC Afghanistan (@ICRC_af) January 11, 2023
دماغي فلج هغه ناروغي ده چې د ماشومانو ماغزه زیانمنوي او د ودې مخه یې نیسي. پر دغه ناروغۍ اخته ماشومان د عضلاتو کنټرول له لاسه ورکوي او د عضلاتو پر حرکت او توازن اغېز کوي.
سلاموطندار پر ټویټر هم وڅارئ
د سره صلیب نړیوالې کمېټې همداراز ویلي چې هره میاشت په کابل کې د یادې کمېټې تر ملاتړ لاندې د دماغي فلج مرکز کې د نږدې ۱۰۰ ناروغانو درملنه کېږي او په وینا یې، سلګونه ناروغان لا هم درملنې ته په تمه دي.
