د هند کرېکټ غوره لیګ «ایپياېل» سیالیو په لړ کې نن د یاد لیګ ۱۹مه لوبه کېږي چې رویال چلنجرز بنګلورو به له راجستان رویالز سره لوبه وکړي.
ټاکل شوې چې یاده لوبه نن ماښام ۶:۳۰ بجې د جېپور په «سوای منسېنګ کرېکټ لوبغالي» کې ترسره شي.
د سلاموطندار پښتو فېسبوکپاڼه وڅارئ
راجستان رویالز لوبډلې چې تراوسه په دې لیګ درې لوبې کړي او درې واړه یې ګټلي، دا یې څلورمه سیالي ده. رویالز د جدول په دویمه ځای کې شتون لري.
راجستان لوبډلې خپلو تېرو لوبو کې تر ډېره یو اړخیزې سیالي کړي او خپل سیالان یې مات کړي دي.
بلخوا د ایپياېل لیګ پیاوړې لوبډله رویال چلنجرز بنګلور بیا له کړیو څلورو لوبو یوازې یوه بریا لري. دې لوبډلې وروستۍ لوبه کې سنرایزرز حیدراباد ته ماته ورکړه. بنګلور لوبډله د جدول په اتم ځای کې شتون لري.
له ۲۰۲۲کال راهیسې تر دې مهاله د دواړو لوبډلو ترمنځ په شویو وروستیو پنځو لوبو کې راجستان رویالز لوبډلې درې ځلې راجستان ته ماته ورکړې او راجستان بیا دوه ځلې بنګلور مات کړی دی.
د دې لیګ په بېګانۍ لوبه کې سنرایزرز حیدراباد لوبډلې په شپږو وېکټو چینای سوپر کنګز ته ماته ورکړه. دا په روان لیګ کې د حیدراباد دویمه بریا او د چینای دویمه ماته وه.