اروپا کې د تودوخې څپې د خپرېدو په لړ کې د سویس د والایس اړوند برېګ ښارګوټي کې پولیسو د ځنګلياور د پراخېدو له امله ګڼشمېر خلک له غرنیو کلیو اېستلې دي.
د دغه هېواد پولیسو پرون دوشنبه د جولای ۱۷مه ناوخته د ځنګلي اور د پراخېدو او له غره څخه د ډبرو او تیکو د ښوویېدو له وېرې یوشمېر کلي له خلکو تش کړي دي.
د سلاموطندار پښتو فېسبوکپاڼه وڅارئ
د رویټرز خبري اژانس د راپور له مخې، تراوسه معلومه نه ده چې د دغه ځنګلي اور له امله څومره کسان زیانمن شوي دي.
د راپور پر بنسټ، پرون له غرمې وروسته شاوخوا ۲۰۰ اور وژونکو او چورلکو د اور وژنې هڅه وکړه، خو اور لاهم د پراخېدو په هڅه کې دی.
د سویس والاس کانټن اړوند دغه سیمه روانه اوونۍ کې د تودوخې تر ټولو لوړې درجې سره مخ ده چې د اټکل له مخې د تودوخې درجه به پهکې څه باندې ۳۰ درجې سانټیګراډ ته رسيږي.
روانه اوونۍ د اروپا په بېلابېلو هېوادونو کې د ریچارډ کچې ګرمۍ خبرداری ورکړی شوی چې په ځینو هېوادونو کې د ځنګلي اور پېښې هم رامنځته شوي دي.