د زابل د مرکز کلات ښار اړوند پل سنګي سیمه کې د ټرافیکي پېښې له کبله نهه کسان مړه او ۳۱ نور ټپیان شوي دي.
پېښه نن پنجشنبه د غبرګولي ۱۸مه د ۵۸۰ او مازدا ډوله موټرو ترمنځ رامنځته شوې ده.
د سلاموطندار پښتو فېسبوکپاڼه وڅارئ
د زابل د اطلاعاتو او فرهنگ رییس رحمتالله حماد نیازي سلاموطندار ته ویلي چې په یاده پېښه کې نهو کسانو خپل ژوند له لاسه ورکړی او ۳۱ نور ټپیان شوي دي.
د نوموړي په وینا، د پېښې ځای ته د یاد ولایت د ټرافیکو مدیریت پرسونل رسېدلی او ټپیان یې د مرکز کلات ښار مرکزي روغتون ته لېږدولي دي.
دغه پېښه داسې مهال رامنځته کېږي چې په دې وروستیو کې د هېواد په بېلابېلو ولایتونو کې ټرافیکي پېښې زیاتې شوې دي.
د یادو رامنځته شویو پېښو پر مهال د ځینو کسانو د مړینې او ټپيکېدو خبر هم ورکړل شوی دی.
محلي مسوولان بیا د لارو خرابوالی، د موټر چلوونکو بېاحتیاطي او ټرافیکي قوانینو سره د موټرچلوونکو نه بلدتیا په ګوته کوي.