د تېرې یوې اوونۍ پر مهال د افغانستان د اوسپنې پټلۍ له لارې په ټولیزه توګه د ۷۴۸۸۷ ټُنه سوداګریزو توکو انتقالات شوې دي.
د افغانستان د اوسپنې پټلۍ ادارې نن دوشنبه د لړم ۲۲مه پر اېکس لیکلي چې دغه انتقالات د لړم له دولسمې تر اتلسمې نېټې شوې دي.
د سلاموطندار پښتو فېسبوکپاڼه وڅارئ
د انتقال شویو توکو له ډلې یې ۹۸۸ ټُنه توکي د افغانستان صادرات او ټرانزیټ اړوند توکې دي.
یادې ادارې همداراز لیکلي چې د بلخ حیرتان بندر له لارې په دې موده کې تر ټولو ډېر ۴۸۹۵۴ ټُنه سوداګریز توکي انتقال شوې دي.
د جوزجان د اقینې بندر پر مټ بیا ۲۵۴۶ ټُنه توکي له هېواده بهر او یا هم هېواده ته رالېږدول شوې دي.
د افغانستان د اوسپنې پټلۍ ادارې د معلوماتو له مخې، د هرات تورغنډۍ بندر له لارې بیا د تېرې یوې اوونۍ پر مهال د ۲۳۳۸۷ ټُنو توکو لېږد رالېږد شوی دی.
تېره اوونۍ کې ( د۱۴۰۲ هـ.ش. د عقرب له ۱۲ تر ۱۸ مې) د افغانستان د اوسپنې پټلۍ له لارې (۷۴۸۸۷) متریک ټنه انتقالات شوي دي. pic.twitter.com/A2o1YCkqn7
— Afghanistan Railway Authority (@afghanrailway) November 12, 2023
دې ادارې ټينګار کړی چې د توکو لېږد لپاره مناسب شرایط او سوداګرو ته به غوره اسانتیاوې رامنځته کړي.
له دې وړاندې هم د افغانستان ګاونډیو هېوادونو له دې هېوادونو افغانستان ته د اوسپنې پټلۍ له لارې بېلابېل سوداګریز توکي لېږد او یا هم رالېږدول شوې دي.
