د امریکا د برښنايي الوتکو جوړونکي شرکت جوبي افیېشن د لومړي ځل په نیویارک ښار کې په بریالۍ توګه د هوايي برښنايي ټکسي الوتنه کړې.
دغه شرکت د روانې اوونۍ د یکشنبې پر ورځ د نیویارک منهاټن مرکزي ښار څخه ازمایښتي الوتنه کړې چې بریالۍ وه.
له دې ازمایښتي الوتنې سره هممهاله د نیویارک ښاروال هم د ډاونټاون هېليپورټ ته د برښنا ورکړې ژمنه وکړه چې د جوبي افیېشن له دې هڅې د ملاتړ ښکارندوي کوي.
دغه شرکت هوډ لري چې په ۲۰۲۵ کال کې نیویارک خپل سوداګریز خدمات پیل کړي او دغه ښار یې د خپلو خدماتو لپاره مهم ښار بللی دی.
د یاد شرکت اجرايي مدیر جوبن بیورت ویلي چې دغه ټکسي د پنځو دقیقو په ترڅ کې چارجېږي او مسافر کولای شي، د یوه اپ پر مټ ټکټ بووک کړي.
تراوسه په دې هوايي برښنايي ټکسي کې د تلوونکي مسافرو لپاره کرایه نهده ځانګړې شوې، خو مسوولان یې وايي، کرایه یې د موټر په څېر ده.
سلاموطندار پر ټویټر هم وڅارئ
جوبي افیېشن شرکت د هوايي برښنايي ټکسي الوتنو پیل لپاره د اجازه لیک چارې ۸۵ سلنه بشپړې کړي او هیلهمندي ښيي چې تر ۲۰۲۵ کاله به اجازه لیک ترلاسه کړي.
