د عامې روغتیا وزارت د ډیابېټ یا شکر ناروغي له نړیوالې ورځې سره هممهاله سلاموطندار ته ویلي چې په هېواد کې پر دې ناروغي د اخته کېدونکو کسانو شمېر او له کبله یې د مړینې کچه په زیاتېدو ده.
له پاکستانه یوشمېر راستنې شوې کورنۍ سلاموطندار ته وايي، د پاکستان حکومت له لوري په زور افغانستان ته د دوی ستنېدل لامل شوي چې د اولادونو زدهکړې یې نیمګړې پاتې شي.
راستنو شویو کورنیو زیاته کړه چې د زدهکړو سربېره د راستنېدو پرمهال د پاکستاني پولیسو ناوړه چلن د دوی د ماشومانو پر ذهنونو منفي اغېزې کړي دي.
د امریکا د برښنايي الوتکو جوړونکي شرکت جوبي افیېشن د لومړي ځل په نیویارک ښار کې په بریالۍ توګه د هوايي برښنايي ټکسي الوتنه کړې.
دغه شرکت د روانې اوونۍ د یکشنبې پر ورځ د نیویارک منهاټن مرکزي ښار څخه ازمایښتي الوتنه کړې چې بریالۍ وه.
د دایکندي محلي مسوولان وايي چې د دغه ولایت په مرکز نیلي ښار کې امنیتي ځواکونو څلور کب نیوونکي نیولي دي.
د دایکندي د چاپېریال ساتنې رییس محمدابراهیم شریفي سلاموطندار ته ویلي، دغه کب نیوونکي چې په ناقانونه توګه یې کبان ښکارول، د لومړۍ امنیتي حوزې ځواکونو لهخوا نیول شوې دي.
د زابل په شلمزو ولسوالي اړوند سیمه کې له پاکستان څخه په زور راستنېدونکو افغان کډوالو ته د لنډمهالې اوسېدنې لپاره مجهز کمپ جوړ شوی دی.
د افغانستان د کلیو بیارغونې او پراختیا وزارت مرستیال او د خدماتي کمېټې مسوول سیداحمد مستقیم سلاموطندار ته وویل چې دغه کمپ یې د شلمزو سیمې په ځنځیر سیمه کې جوړ کړی دی.
له دې وروسته د سناپ چت ټولنیزې رسنۍ کاروونکي کولای شي چې له امازون څخه په انلاین بڼه توکي وپلوري.
امازون پرون دوشنبه د نومبر ۱۳مه ویلي، امریکا کې د سناپ چت کاروونکي کولای شي چې برښنايي سوداګریز شرکت کې له نوملړ شویو توکو څخه د خپلې خوښې توکي وپېري.
د امریکا ولسمشر جو بایډن وايي چې د غزې تړانګې کې تر ټولو لوی الشِفا روغتون باید خوندي وساتل شي.
بایدن دغه څرګندونې پرون دوشنبه د نومبر ۱۳مه سپین ماڼۍ کې خبریالانو ته کړې دي.
د هلمند د بست ولایتي روغتون په څنګ کې د بیړني ناروغان د «ایسيیو» څانګې لپاره په ۴۸ میلیونه افغانیو ودانۍ جوړېږي. د ودانۍ ترڅنګ به نور اړین امکانات هم ورته برابر شي.
د یاد ولایت د عامي روغتیا رییس ډاکټر سیداحمد سعید سلاموطندار ته وویل چې بېړنیو ناروغانو ته اړوند د «ایسيیو» دغه ودانۍ به په دوو پوړونو کې جوړه شي.
هرات کې د مومني خپرندوی له لوري د دغه ولایت مرکز هرات ښار کې د مطالعې فرهنګ دودولو په موخه د کتابونو اووه ورځنی نندارتون پرانېستل شوی دی.
دغه نندارتون پرون دوشنبه د لړم ۲۲مه پیل او یوه اوونۍ به دوام وکړي. د مومني فرهنګي خپروندی مسوول سعید مومني سلاموطندار ته وايي، که څه هم د دغه ولایت ځوانانو ترمنځ د مطالعې فرهنګ کمرنګه شوی، خو په وینا یې، هڅه کوي چې دا دود راژوندی کړي.
د میدانوردګ د سیندیزې حوزې ریاست چارواکي وایي چې نرخ ولسوالي کې د ۳۰ میلیونه افغانیو په ارزښت د پنځه ذخیروي بندونو د جوړېدو چارې پيل شوي چې په راتلوونکو درېوو میاشتو کې به بشپړ او ګټېاخیستنې ته وسپارل شي.
د سرپرست حکومت ویاند په هېواد کې د ټيټيپي د جنګیالیو شتون او د پاکستان پر وړاندې د افغانستان خاورې کارولو په اړه د افغانستان په چارو کې د پاکستان د ځانګړي استازي آصف عليخان دراني له څرګندونو وروسته وايي، پاکستان باید د افغانستان له تورنولو لاس واخلي؛ ځکه په وینا یې، داسې هېڅ سند نشته چې په افغانستان کې د ټيټيپي غړي شته.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
