د ننګرهار د شینوارو ولسوالي ځايي اوسېدونکي وايي چې د دغه ولایت په شینوارو ولسوالي کې د دوو کورنیو ترمنځ خپلمنځې نښته کې درې کسانو ته مرګژوبله اوښتې ده.
د شینوارو ولسوالي اوسېدونکی ذبېحالله وايي چې نن سهار لس بجې د دې ولسوالي په ګلاهي سیمه کې د سردارخان او انورخان د کورنیو ترمنځ د ځمکې پر سر شخړه شوې او دواړو لوریو یو پر بل ډزې کړې دي.
د هغه په وینا، په دې شخړه کې د سردارخان کورنۍ غړی کفیل وژل شوی او د انورخان کورنۍ دوه غړي فرهاد او فرمان ټپیان شوي دي.
د ننګرهار محلي مسوولانو هم پېښه تایید کړې او په اړه یې د پلټنو خبر ورکړی دی.
د سلاموطندار پښتو فېسبوکپاڼه وڅارئ
تر دې وړاندې هم وختناوخت د هېواد په بېلابېلو ولایتونو کې د ځمکې یا نورو کورنیو مسایلو پر سر شخړې شوي چې له کبله یې یوشمېر کسانو ته مرګژوبله هم اوښتې ده.
