د کندهار د کډوالو او بېرته راستنېدونکو چارو ریاست مسوولان وايي چې په تېرو څه باندې دوو میاشتو کې د سپینبولدک له لارې له پاکستان څخه شاوخوا ۱۴۶۵۲۱ افغانان بېرته هېواد ته راستانه کړل شوې دي.
دغه کسان د تېرو ۶۶ ورځو پر مهال له پاکستان څخه د ناقانونه افغان کډوالو د اېستلو بهیر کې افغانستان ته ستانه کړل شوي.
د سلاموطندار پښتو فېسبوکپاڼه وڅارئ
د کندهار د کډوالو او بېرته راستنېدونکو چارو ریاست د مسوولانو په وینا، ۲۴۸۴۸ کورنۍ چې ۱۴۶۵۲۱ کسان کېږي، د سپینبولدک له لارې راغلي چې ښځې او ماشومان هم پهکې شامل دي.
د سپینبولدک د اطلاعاتو امر محمدعلي حقمل سلاموطندار ته وویل، یادو کډوالو سره د مرستندویه بنسټونو ترڅنګ د کډوالو ریاست له لوري نغدي، ټرانسپورټ او روغتیايي مرستې شوې دي.
د حقمل په وینا، په راستانه کړل شویو افغانانو کې ۴۴۳ زندانیان او ۶۷ بېسرپرسته ماشومان هم شامل دي.
د سپینبولدک د اطلاعاتو امر محمدعلي حقمل زیاته کړه چې بېسرپرسته ماشومان یې کندهار کې د ماشومانو روزنې مرکزونو ته ورپېژندلي، څو هلته ورته زدهکړې برابرې او روزنه او پالنه یې وشي.
د راپورونو له مخې له پاکستان څخه د افغان کډوالو د اېستلو بهیر د پیل راهیسې تر دې مهاله نږدې ۵۰۰زره افغانان په زور او په خپله خوښه افغانستان ته ستانه کړل شوې دي.