لوګر کې د عینک په نوم يوې خصوصي نن «دوشنبه، مرغومې ۲۵مه» په رسمي توګه خپلې خپرونې پیل کړې.
دغه راډیو پر ۹۵.۹ افام څپو نشرات کوي.
د يادې راډيو پرانیستغوندې کې د سرپرست حکومت وياند ذبېحالله مجاهد، اطلاعاتو او فرهنګ رییس رفېعالله صمیم او د دغې راډيو کارکوونکو ګډون کړی وو.
د سلاموطندار پښتو فېسبوکپاڼه وڅارئ
غوندې ته د لوګر د اطلاعاتو او فرهنګ رییس رفېعالله صميم وويل، روان کال دغه ولايت کې دا دویمه خصوصي راډیو ده چې پر فعاليت پيل کوي او اوس لوګر کې د دوه دولتي راډيوګانو په ګډون پنځه خصوصي راډیوګانې فعاليت لري.
صميم زياته کړه چې د سرپرست حکومت له راتګ سره لوګر کې رسنيو د پام وړ پرمختګ کړی او تراوسه دغه ولايت کې هېڅ رسنۍ خپل فعالیتونه نهدي ځنډولي.
بلخوا د سرپرست حکومت وياند ذبېحالله مجاهد وويل، د اوسني حکومت په راتلو سره د هېواد په کچه د رسنيو ستونزې راکمې شوي او هڅه روانه ده چې پاتې ستونزې یې هم هوارې شي.
د نوموړي په وینا، لوګر کې د رسنيو او خبريالانو وضعيت تر بل هر وخته ښه شوی دی. لوګر کې دوه دولتي او پنځه خصوصي راډيوګانې او دوه چاپي ورځپاڼې فعاليت لري.