لوګر کې د لوړو زدهکړو موسسې مسوولان وایي چې د دغه ولایت له شاوخوا ۲۳۰۰ زدهکوونکو څخه یې د کانکور ازموینې اخیستلو لړۍ پيل کړه.
د دغه ولایت د لوړو زدهکړو موسسې رییس مفتي ضیااحمد صارم وویل، سږکال د لوګر کانکور ازموینه کې د مرکز پلعلم او ولسوالیو شاوخوا ۲۳۰۰ فارغانو ګډون کړی چې یاده ازموینه به په دوه ورځو کې بشپړه شي.
د سلاموطندار پښتو فېسبوکپاڼه وڅارئ
نوموړي همدارنګه زیاته کړه، لوګر لوړو زدهکړو موسسې له لوري په نږدې ورځو کې دوه نوي پوهنځي هم پرانېستل شي. بلخوا د لوګر مرستیال والي محمدانور دینپرور وویل، د هر افغان دا دنده او مسوولیت لري چې بل افغان ته د لیکلوست زمینه برابره کړي.
د نوموړي په وینا، د ښوونځيو او پوهنتونونو ښوونکو ته پهکار ده چې زدهکوونکي پر داسې روحیه وروزي چې هېواد ته په صداقت خدمت وکړي.
لوګر کې د کانکور ازموینې یوه ګډونوال جاوید سلاموطندار ته وویل، خوښ دی چې د روان کال کانکور ازموینه کې یې ګډون کړی، خو ټینګار کوي چې لوړو زدهکړو وزارت دې د هېواد پوهنتونونو ته ځوانانو د جذب لمن پراخه کړي.
د ازموینې ملي ادارې له لوري د لوګر په ګډون د هېواد په ۱۶ولایتونو کې هم د روان ۱۴۰۳ کال د کانکور ازموینې اخیستلو لړۍ پیل شوې.
