د میدانوردګ د کرنې او مالدارۍ ریاست چارواکي وایي چې د کرنې او خوړو نړیوال پروګرام/FAO له لوري د مرکز میدانښار په ګډون په څلورو ولسوالیو کې پر شاوخوا ۳۷۰۰ کروندګرو د غنمو اصلاح شوی تخم او کیمیاوي سره ووېشل شوه.
د یاد ولایت د کرنې او مالدارۍ ریاست له لوري سلاموطندار ته په رالېږل شوې خبرپاڼه کې راغلي چې په مرکز میدانښار کې پر ۵۰۰ بېوزله کروندګرو، په سیداباد ولسوالي کې پر ۱۵۰۰بزګرانو، په چک ولسوالي کې پر ۹۰۰ بزګرانو او په مرکزي بهسودو ولسوالي کې پر ۸۰۰ کروندګرو اصلاح شوی تخم او کیمیاوي سره وېشل شوې دي.
د سلاموطندار پښتو فېسبوکپاڼه وڅارئ
د ورکړل شویو معلوماتو له مخې هر کروندګر ته ۵۰ کېلو ګرامه غنم او ۵۰ کیلو ګرامه توره کیمیاوي سره ورکړل شوې
خبرپاڼه زیاتوي چي په پام کې ده ورته اصلاح شوی تخم او کیمیاوي سره د دغه ولایت په پاتې ولسوالیو کې هم ووېشل شي.