د حماس پوځي څانګې ویاند ابو عبیده ویلي چې د دې ډلې د بېوسلې کېدو غوښتنه د اسراییلو د روانې جګړې د دوام هڅه ده چې وینا یې، دا د فلسطیني ولس پر وړاندې د «نسل وژنې» معنا لري.
عبیده دا څرګندونې په یوه تلویزیوني وینا کې کړي او ټینګار یې کړی چې د وسلو موضوع په «ساده او بېپروا ډول» مطرح کول د منلو وړ نه دي.
هغه زیاته کړه، تر هغه مخکې چې اسراییل د اوربند لومړی پړاو په بشپړه توګه عملي نهکړي، د بېوسلې کېدو بحث کول نامناسب دی.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د راپورونو له مخې، د امریکا او قطر په منځګړیتوب رامنځته شوی اوربند له اکتوبر میاشتې راهیسې نافذ دی، خو د وفا خبري اژانس د معلوماتو پربنسټ، تراوسه له ۷۰۰ څخه زیات فلسطینیان په بریدونو کې وژل شوي دي.
همداراز د امریکا ولسمشر ډونالډ ټرمپ لهخوا وړاندې شوی د غزې ۲۰ مادهییز پلان، چې هدف یې د جګړې پای ته رسول دي، د همدې موضوع له امله له جدي خنډ سره مخ دی.
حماس منځګړو ته ویلي چې تر هغو به د بېوسلې کېدو په اړه خبرې ونه کړي، څو چې اسراییل په بشپړ ډول له غزې نه وځي. عبیده خبرداری ورکړی چې پر مقاومت د فشار راوستل به «ناوړه پایلې» ولري.