د لوګر د مخابراتو او معلوماتي ټکنالوژۍ ریاست چارواکي وایی، د دغه ولایت په لروپرتو ولسوالیو ازرې، خوښۍ او برهکي برک کې څلور نوي مخابراتي او انټرنټې سایټونه پرانېستل کېږي.
د لوګر د مخابراتو او معلوماتي ټکنالوژۍ ریاست رییس مطېعالله عابد سلاموطندار ته وویل، په لروپرتو ولسوالیو او کلیو کې د ټلیفوني او انټرنټې ستونزو لرېکېدو په موخه د افغان ټلې کام څلور نوي سایټونه پرانېستل کېږي.
د سلاموطندار پښتو فېسبوکپاڼه وڅارئ
هغه زیاته کړه، یاد سايټونه د لوګر د خلکو په وړاندیز د مخابراتو او معلوماتي ټکنالوژۍ ریاست له لوري د افغان ټلې کام ادارې په مالي لګښت جوړېږي چې له پرانیستې سره به یې زرګونه کورنۍ له انټرنټي او ټلیفوني خدماتو برخمنې شي.
باید وویل شي چې د تېر یوه کال په ترڅ کې لوګر د مخابراتو او معلوماتي ټکنالوژۍ ریاست له لوري د مرکز پلعلم په ګډون په شپږو ولسوالیو کې ۱۱نوي سایټونه پرانېستل شوي چې زرګونه کورنۍ له ټیلیفوني او انټرنټي خدماتو برخمنې شوې دي.