د ملګرو ملتونو د خوړو او کرنې سازمان (FAO) وایي، وچکالي د افغانستان ۱۹ ولایتونه اغېزمن کړي او دا وضعیت ورځ تر بلې په خرابېدو دی.
یاد سازمان نن «سېشنبه، د چنګاښ ۲۴مه» په خپل ایکسپاڼه (پخوانی ټویټر) کې لیکلي چې د وچکالۍ تر ټولو زیات اغېز د افغانستان په شمالي ولایتونو کې احساس شوی دی.
دغه نړیوال سازمان خبرداری ورکړی چې د وچکالۍ دوام د کرنیزو حاصلاتو لهمنځه وړو، د څړځایونو او اوبو د سرچینو د وچېدو لامل کېږي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د ملګرو ملتونو د خوړو او کرنې سازمان ټینګار کړی چې د وچکالۍ د پراخېدو پر وړاندې د اغېزمن اقدام، فرصت له لاسه روان دی.
افغانستان په تېرو څو کلونو کې د اقلیمي بدلونونو له امله له جدي اغېزو سره مخ دی چې پکې د بارانونو کمښت، پرلهپسې وچکالۍ او ناڅاپي سېلابونه شامل دي.
