د هند کرېکټ غوره لیګ یا ایپياېل سیالیو په لړ کې نن ماښام لکناو سوپر جاینټز لوبډله له پنجاب کنګز سره سیالي کوي.
ټاکل شوې چې دغه لوبه نن ماښام ۶:۳۰ بجې د پنجاب په کورني لوبغالي کې ترسره شي.
لکناو لوبډلې تراوسه دغه لیګ کې اووه لوبې کړي چې څلور یې ګټلي او درې یې بایللي دي. دغه لوبډله د ایپياېل لیګ د جدول په څلورم ځای کې شتون لري.
افغان توپاچوونکی نوینالحق هم له یادې لوبډلې سره لوبېږي او په تېرو دوو سیالیو کې یې د لکناو لپاره ښکلې لوبه کړې ده.
پنجاب لوبډله چې په څلور بریاوو او درېوو ماتو سره د جدول په شپږم ځای کې شتون لري، په روان لیګ کې لکناو لوبډله له ماتې سره مخ کړې ده. پنجاب لوبډلې هغه لوبه په دوو وېکټو له لکناو څخه ګټلې او دې لوبه کې به هڅه کوي چې یاده لوبډله له ماتې سره مخ کړي.
د سلاموطندار پښتو فېسبوکپاڼه وڅارئ
د ایپياېل لیګ په بېګانۍ لوبه کې راجستان رویلز لوبډلې یو ځل بیا چینای سوپر کنګز ته ماته ورکړه. دا په روان لیګ کې دویم ځل و چې راجستان لوبډله چینای سوپر کنګز ته ماته ورکوي.
