د افغاني سرې میاشتې ټولنې د ننګرهار په مرستون کې په ۲۰ بېسرپرسته مېرمنو باندې چرګانې او د چرګانو دانې وېشلې دي.
د افغاني سرې میاشتې ټولنې «چهارشنبه، لیندۍ اتمه» پر اېکس لیکلي چې هرې بېسرپرستې مېرمنې ته ۳۶ هګۍ لرونکې چرګې، ۱۰۰ کیلوګرامه دانه او ۲۰۰ لېټره بیلر ورکړل شوی دی.
د دې ترڅنګ هرې کورنۍ ته ۴۶۰۰۰ افغانۍ هم ورکړل شوي، څو د چرګو روزنې او ساتنې لپاره ځای برابر کړي.
د افغاني سرې میاشتې ټولنې لیکلي: «۵۰ جوړه دستکشې، ۱ ډبی ماسکونه او یوه جوړه چپلکې شاملې وې، همدارنګه هرې کورنۍ ته ۴۶۰۰۰ افغانۍ د چرګانو د روزنې او د ځای برابرولو په موخه ورکړل شوې او ترڅنګ یې د چرګانو د ښې پالنې او تغذیې او د حفظ الصحې په برخه کې یادو بېسرپرسته کونډو ته د افغاني سرې میاشتې له لوري روزنه هم ورکړل شوې.»
په ورته مهال دې ټولنې پر اېکس لیلي چې له دې وړاندې یې د ننګرهار په ګډون څلور ختیځو ولایتونو کې ۳۰۰۰ بېسرپرسته مېرمنو سره نغدي مرستې هم کړې دي.