د کابل یوشمېر اوسېدونکي وايي چې د پاسپورټ ترلاسه کولو لپاره یې یو کال وړاندې په انلاین بڼه نوملیکنه کړې، خو تراوسه د پاسپورټ اخیستو د چارو مخې ته وړو لپاره دغه ریاست ته نه دي ورغوښتل شوي. د دوی په وینا، پاسپورټ ته سخته اړتیا لري او نه پوهېږي خپله ستونزه چا ته ورسوي. دوی له اړوند مسوولانو د ستونزې د حل غوښتنه کوي.
د دایکندي یوشمېر ځوانان دغه ولایت کې د واده مراسمو لوړ لګښت څخه د نیوکې ترڅنګ وايي چې هر کال سلګونه ځوانان د واده لګښتونو پوره کولو لپاره ګاونډیو هېوادو ته د کار لپاره سفر کوي.
د سوالګرو راټولولو کمېټه وايي چې د کابل له بېلابېلو سیمو څخه یې د ښځو او ماشومان په ګډون څه باندې ۲۹۰۰۰ سوالګر راټول کړي ډي.
د ریاستالوزرا اقتصادي معاونیت نن دوشنبه د کب ۱۵مه پر خپله ټوېټرپاڼه لیکلي چې د کب تر ۱۴مې نېټې پورې ۲۹۴۰۳ سوالګر ټول کړي دي.
د هلمند یوشمېر اوسېدونکي وايي چې د دغه ولایت د مسوولانو له لوري یې حقوقي دعوې پر ټاکلي وخت نه حل کېږي.
د یاد ولایت د نوزاد ولسوالي اوسېدونکی عطاالله سلاموطندار ته وايي، نږدې یو کال کېږي چې حقوقي دعوه لري، خو له یوې ادارې بلې ته لېږدول کېږي او ستونزې ته یې رسېدنه نه ده شوې.
د افغانستان بانک وايي چې سبا دوشنبه د کب ۱۵مه «۱۶» میلیونه امریکايي ډالر د لیلام په توګه بازار ته وړاندې کوي.
د افغانستان بانک نن یکشنبه د کب ۱۴مه پر خپله ټوېټرپاڼه لیکلي چې د «افغانۍ» ارزښت ساتنې او ثبات لپاره سبا دوشنبه «۱۶» میلیونه امریکايي ډالر لیلام ته وړاندې کوي.
د ایران سفارت نن یکشنبه د کب ۱۴مه پر خپله ټوېټرپاڼه لیکلي چې کابل کې یې د دغه هېواد دایمي نندارتون او سوداګریز مرکز پرانیستلی دی.
د ملګروملتونو د سرمنشي مرستیالې امنه محمد وايي، افغانستان کې له زدهکړو د نجونو محرومیت ته باید د پای ټکی کېښودل شي.
د ملګروملتونو سازمان د سرمنشي مرستیالې ټينګار کړی چې نړیواله ټولنه به د افغان نجونو د زدهکړو د اړتیا لپاره خپل یووالي ته دوام ورکړي.
هېواد کې د لوږې او بېوزلۍ پراخې څپې لامل شوي چې ګڼشمېر هېوادوال د خپل ژوندانه اړتیا پوره کولو لپاره یې خپل ملکیتونه خرڅلاوو ته وړاندې کړي.
د تخار مرکز تالقان ښار اوسېدونکی سرورالدین چې د دولس کسیزې کورنۍ یوازینی سرپرست دی، سلاموطندار ته وايي، د لوږې او بېوزلۍ له کبله یې د خپلې حویلۍ یوه برخه پلورلې ده.
تېر یونیم کال کې اسلامي امارت په وار وار نړیوالې ټولنې څخه غوښتنه کړې چې اوسني حکومت سره په رسمي توګه تعامل وکړي، خو نړۍ د اسلامي امارت د سیاستونو او پر افغانانو په ځانګړې توګه پر ښځو د محدودیتونو لګولو له امله یادې غوښتنې ته مثبت ځواب نه دی ورکړی.
ایټالیا کې د افغانستان سفارت په یوې خبرپاڼه کې ویلي، د دغه هېواد سواحلو کې د کډوالو د ډوبې شوې کښتۍ د قربانیانو د هویت له تثبیت وروسته معلومه شوې چې دې پېښه کې ۳۲ افغانان هم مړه شوي دي.
د افغانستان د سفارت په خبرپاڼه کې راغلي چې کښتۍ کې شاوخوا ۱۸۰ کسان سپاره وو چې تراوسه یې د ۶۷ جسدونه پیدا شوي دي.
د غزني د ناور ولسوالي یوشمېر اوسېدونکي سلاموطندار ته وايي چې د واورې د ورښت له امله د یادې ولسوالي د ټولو کلیو مواصلاتي لارې د تګراتګ پر مخ تړل شوي دي.
د بهرنيو چارو سرپرست اميرخان متقي کندهار کې د افغانستان لپاره د اروپايي ټولنې ځانګړي استازي توماس نېکلاسن او د یادې ټولنې د پلاوي رییسې رافایلا ایوډېس سره ليدلي دي. د افغانستان لپاره د اروپايي ټولنې ځانکړي استازي او د یادې تولنې د پلاوي رییسې رافایلا ایوډیس د اسلامي امارت له یوشمېر نورو چارواکو سره هم لیدلي دي.
افغانستان کې د بېوزلي کچې پراخېدو په اړه د مرسته رسوونکو بنسټونو د رپوټونو خپرېدو په دوام، افغانستان کې د ملګروملتونو د سیاسي استازولي یا یوناما مرستیال رامز الاکبروف یوې غونډې ته ویلي، د تېرو ۱۸ میاشتو پر مهال دغه هېواد کې ۷۰۰ زره کسانو دندې له لاسه ورکړي او د یاد هېواد ناخالص کورني تولیدات هم ۳۵ سلنه کم شوي دي.
خوست کې د «زرغون خوست» په نوم د نیالګیو کېنولو مېله پیل شوه چې درې ورځې به دوام وکړي او شاوخوا څلور زره مثمر او غیرمثمرنیالګي به کېنول شي.
د افغانستان د بهرنیو چارو وزارت ویلي چې ایټالیا کې د یوې کښتۍ ډوبېدو له امله ۸۰ افغان کډوالو خپل ژوند له لاسه ورکړی دی.
وزارت پرون سهشنبه د کب نهمه په یوې خبرپاڼه کې همداراز ویلي چې په قربانیانو کې ښځې او ماشومان هم شامل دي. له پېښې ژوندي پاتې کسانو ویلي، دغې کښتۍ کې ۲۰۰ مسافر سپاره وو.
په کندهار کي د یوه خیریه بنسټ له لوري د لسګونه بېوزله جوړو «نجونو او هلکانو» د ډلهییز واده مراسم ترسره شول.
د دې بنسټ د مسوولانو په وینا، دغه ډلهییز واده چې د پنځوس «۵۰» بېوزله جوړو «ناوې او زوم» لپاره نیول شوی وو، نن سهشنبه د کب نهمه کندهار کې ترسره شو.
