هرات کې په لومړي خل جوړ شوي دوه موټره نندارې ته وړاندې شول. دغه موټر چې یو یې لیموزین او بل یې د ګرځنده رسټورانټ په بڼه جوړ شوي، پرون پنجشنبه د غويي ۲۸مه د هرات ښار پر سرکونو یې ازمیایښتي حرکت وکړ چې د خلکو له تود هرکلي سره هم مخ شو. د یوه موټر جوړونکی غوثالدین بارکزی سلاموطندار ته وايي چې له فورګرس موټر څخه یې شپږ دروازې لرونکی «لېموزین» ډوله موټر جوړ دی.
د پروان امنیتي مسوولان وايي چې د دغه ولایت په اړوند سیمه کې یو کس د خپل د تره زوی «اکاه زوی» لهخوا وژل شوی دی.
پېښه پرون پنجشنبه د غويي ۲۸مه د یاد ولایت د بګرام ولسوالي اړوند سیمه کې شوې ده. د پروان د امنیې قومنداني ویاند محمدکامران حبیبي سلاموطندار ته د پېښې د تایید ترڅنګ وايي چې دغه کس د ټوپک ډزو وژل شوی دی.
د بغلان د ټرافیکو مدیریت مسوولان وايي چې د دغه ولایت کې د یوې ټرافیکي پېښې پر مهال څلور کسان مړه شوي او یو بل کس ټپي دی.
د بغلان د ټرافیکو مدیریت د پېښو امر صفيالله عمري سلاموطندار ته ویلي چې پېښه پرون پنجشنبه د غويي ۲۸مه د «نصرت امین» سیمه کې هغه مهال رامنځته شوه چې یو موټر له سړک واوښت او د «ګوهرګان» سیند پرېوت.
بدخشان کې محلي سرچینې وايي چې د دغه ولایت په یاوان ولسوالي کې د یوې ټرافیکي پېښې له کبله ۱۸کسان ټپیان شوي دي.
پېښه پرون پنجشنبه د غويي ۲۸مه د دغه ولایت د یاوان ولسوالي په «سفیدار ایلکه» کلي کې د یوه موټر د چپهکېدو له امله رامنځته شوې ده.
د جوزجان امنیتي مسوولان وايي چې د دغه ولایت په اقچه ولسوالي کې یوه ۵۸کلن کس ځانوژنه کړې ده.
پېښه پرون پنجشنبه د غويي ۲۸مه د اقچې ولسوالي په ګذر مهراباد سیمه کې رامنځته شوې ده.
د دولتي روغتونونو ډاکتران وايي، د ښځینه ډاکټرانو کمښت د روغتونونو او ناروغانو لپاره جدي ستونزې رامنځته کړي دي.
د وزیر محمداکبرخان روغتون د داخله ناروغیو متخصص سیدفرید سلاموطندار ته وايي، روغتونونو کې د ښځینه ډاکټرانو کمښت د ناسم تشخیص او د ښځینه ناروغانو په ځانګړې توګه د اومېندواره مېرمنو وضعیت خرابېدو لامل کېږي.
د اطلاعاتو او فرهنګ وزارت نن پنجشنبه د مې میاشتې ۱۸مه چې د موزیم له نړیوالې ورځې سره برابره ده، کابل کې د یوې غونډې په ترڅ کې ونمانځله.
د اطلاعاتو او فرهنګ وزارت یاده نمانځغونډه کې بېلابېل ډوله لرغوني اثار هم نندارې ته وړاندې کړل. دغه تاریخي اثار د لوګر مسعینک کان څخه د کورنیو او بهرنیو لرغونپوهانو د کیندنو په پایله کې کشف شوي دي.
لوګر کې د سنځل ګل دودیزه کلنۍ مشاعره نن پنجشنبه د غويي ۲۸مه د دغه ولایت د مرکز پلعلم ښار اړوند سپورټ لوبغالي کې جوړه شوه چې د هېواد له بېلابېلو ولایتونو څخه پهکې نوموتو شاعرانو او فرهنګپالو ګډون کړی وو.
د غزني امنیتي مسوولان وايي چې دغه ولایت کې د ماین چاودنې له کبله یوه کس خپل ژوند له لاسه ورکړی دی.
د غزني د امنیې قومنداني ویاند خالد سرحدي سلاموطندار ته ویلي چې پېښه پرون چهارشنبه د غويي ۲۷مه د دغه ولایت د قرهباغ ولسوالي اړوند «خالوخېلو» کلي کې رامنځته شوې ده.
د روزګان د پوهنې رییس دغه ولایت کې د یوې غونډې پر مهال ویلي چې هېواد کې باید د عصري زدهکړو لپاره زمینه برابره شي او په وینا یې، له عصري زدهکړو پرته د هېواد پرمختګ ناشونی دی.
د روزګان د پوهنې رییس شمسالله کامران دې غونډه کې همداراز وویل، که افغانان د نورو له احتیاج څخه خلاصون او په ځانبسیاینه غواړي، باید عصري زدهکړې وکړي.
د تورخم ګمرک مسوولان وايي چې تورخم ښارګوټي کې یې له پاکستان څخه افغانستان ته د لېږدېدونکو ۴۸۷ کیلو ګرامه چاودېدونکو توکو مخه نیولې ده.
د مسوولانو په وینا، چاودېدونکي توکي چې په ۳۹ کڅوړو کې په یوه باروړونکي موټر کې ځای پر ځای شوي وو، د یاد ګمرک د کارکوونکو لهخوا کشف او نیول شوي دي.
کاپیسا کې یوشمېر ګل پلورونکي شکایت کوي چې سږکال دغه ولایت کې د ګلانو پېرلو ته د خلکو لېوالتیا ډېره شوې چې ورسره د دوی کاروبار هم سوړ شوی دی.
نورالله خان د هلمند د ګرشک ولسوالي د سیدانو کلي کې پر خپله یو جریب ځمکه د کابو ۵۰۰زره پاکستانۍ کالدارو په لګښت د اینجې نیالګي کینولي دي.
د نوموړي په وینا، پر خپله ځمکه یې ۸۰۰۰ نیالګي کېنولي او هیله لري چې څو برابره عواید ترلاسه کړي. محمد نذیر هم د هلمند د ګرشک ولسوالي د «سیدانو» کلي یو بل کروندګر دی.
د غور محلي مسوولان وايي چې یاد ولایت کې یې د یوه کس جسد پیدا کړی دی. د یاد ولایت د محلي مسوولانو په وینا، د امنیې قومنداني استخباراتي او امنیتي ځواکونو د «ظفرخان» په نوم د یوه کس جسد موندلی دی.
ویل کېږي چې یاد کس د پکتیکا ولایت د «مټيخان» ولسوالي اصلي اوسېدونکی دی او د غور په دولتیار ولسوالي کې یې جسد پیدا شوی.
د غور محلي مسوولانو تراوسه د یادې پېښې د څرنګوالي او انګېزې په تړاو څه نه دي ویلي.
د عامې روغتیا وزارت مسوولان هېواد کې د کورونا ویروس د مثبتو پېښو له ډېروالي خبر ورکوي.
د عامې روغتیا وزارت مسوولان سلاموطندار ته نن چهارشنبه د غويي ۱۷مه ویلي چې د تېرو ۱۸ ورځو پر مهال هېواد کې د کورونا ویروس ۳۰۰۰ مثبتې پېښې ثبت شوې دي.
ا.ا د روسیې د علومو اکاډمۍ علمي، تحلیلي او اطلاعاتي مرکز رییس نیکولای پلوتنیکف وروستیو څرګندونو ته په غبرګون کې ویلي چې د ا.ا حکومت له کوم هېواد سره شخړه نه غواړي او د اړتیا له مخې د هېواد امنیت ټينګښت لپاره کار کوي.
